Directora di Aruba Tourism Authority (ATA) sra. Ronella Croes ta duna e informacion di e retonan cu ta presenta nobo of bira mas grave ‘cada siman tin un adelanto nobo’. Sra. Croes ta bisa cu tin e aspecto cu ta afectando e cantidad di bishitante pa motibo di casonan positivo na Merca.
Ta conoci cu mayoria di bishitante cu ta keda bin Aruba of ta bin pa prome biaha ta den temporadanan halto, pero turista ta keda pospone nan biahe mirando e aumento di caso y situacion na Merca mes. Sinembargo di otro banda nan ta tuma otro oportunidad y proyecta otro destinacion manera e apertura cu Latino America (e prome factor).
E di dos factor ta cu Hulanda a baha e nivel di risico cu Aruba, caminda e ta bira codigo gel y ta resultando bon. E di tres factor ta cu di ATA su banda, nan ta keda traha riba diferente aspecto pa por pusha unda cu por ‘nos enfoke pa mercado di Europa’.
Sra. Croes tambe a bisa cu awo ta trahando riba Inglatera mirando cu e pais a habri posibilidad pa hende biaha. “Ta trahando riba introduccion di vuelonan non-stop for di Inglatera cu lo por yuda den e temporada di December.”
ATA ta keda den reunion, compilando informacion pa wak con e situacion ta despues di December, e luna di januari te cu maart. Pa asina nan wak riba kico nan por keda pusha ‘nos ta keda pendiente si cu reto lo keda bin y ta consciente di esey’.