Motibo cu a welga diabierna na rbc ta dor di presion cu e trahadornan tin mirando desaroyonan den e banco. Sr. Hubert Dirks di Sindicato FTA ta splica mas di esaki.
E calidad di trabao cu nan meter haci, cu ta encera trabaonan di sistema bieuw aidna y tambe di e sistema nobo, cu ta hopi presion y cu ta wordo haci den corto tempo. Akinan e comunicacion no a bay bon, tanto di compania como e trahadonan. Y tambe di e trahadonan, kisas pa e managernan.
Preocupacion di e trahadonan a bin padilanti, pero e presion tabata asina grandi comosifera cu bo mester haci e trabao y e trabao tin cu bay. E presion eynan tabata asina grandi cu e trahadonan a walk out. E ta logico, segun Sr. Dirks, loke a pasa. Pero, un banda el a resulta toch bon, pasobra loke e compania no por a haci, pa atende cu e problemanan cu ta bin di diferente trahado, pa por ahusta, haci cambionan pa e proceso di cambio aki bay mas lihe. A resulta cu e representacion di e trahadonan, a bin hunto pa papia cu e gerencia y e speransa ta, y trahadonan ta spera esaki di parti di gerencia di banco ta , pa tene cuenta c nan y tur e ahustacionnan cu mester tuma luga, pa e trahado pasa den e cambio di sistema pa reorganisacion aki, tuma luga na un manera mas suave. Asina tambe e trahado ta keda menos bou presion.
E compania mes ta stabil pa e trahadonan pero si tin su retonan pa loke ta e personal cu ta trahando, pero un trahado contento lo duna e miho servicio. E cambionan aki, segun Sr. Dirks e banco lo ta miho prepara pa duna miho servicio. Tin speransa cu cosnan lo drecha pa e trahadonan despues di e walk out di diabierna, siguransa no tin nunca. Ora cu un trahado ta traha bou presion, e mester espacio pa e expresa su mes.
Unabes un trahado trece su preocupacion dilanti y gerencia push’e bek, e sistema di comunicacion, e relacion eynan, por trece problema. Y sindicato FTA ta spera cu compania sigui organisa encuentronan cu e trahadonan y FTA di nan banda lo monitor e situacion. Niun di e trahadona no kier e banco malo. Niun di e trahadonan, ta mal contento cu e trabao, solamente e presion y nan ta dispuesto pa pone todo por todo pa sali afor, contal cu nan ta contento cu loke nan ta haciendo.
Tin trahadonan ta trahando 3 pa 4 ora extra, y esaki ta trece un presion mas grandi ainda ariba e trahado. Pero por lo menos e trahado sa cuanto tempo e lo mester traha overtime pero no por ta asina cu e trahado ta traha overtime, sin sa ki ora e satisfaccion di a haci e trabao, e load grandi cu por sigui traha orarionan normal, y esey a causa hopi dificultad cerca e trahadona, segun Sr. Hubert Dirks, di sindicato FTA.