Un nombracion ilegal a tuma luga na momento cu e director di FCCA, sr. van Poppel a termina su telacion di trabao cu FCCA. Segun presidente di FTA, Hubert Dirksz, a comenta cu a berigua cu un persona cu tabata den Raad van Toezicht cu awor a bira director. Pero verificando esaki den Statutonan, ta poni cu un hende cu tabata den Raad van Toezicht no por bira director. E ora ey FTA ta kere, pero no ta keda na nan sino den man di minister y Raad van Toezicht, cu esaki no por. Ta haya cu esaki mester tuma luga y coregi e eror aki, pasobra asina aki no por traha.
Awor aki FTA mester a confirma e noticia y awor aki ta keda na minister y si e no ta actua, e ora tin cu hala su atencion y pidi’e pa por fabor tuma e medidanan pa coregi e situacion aki.
FCCA ta un fundacion, pero segun statutonan e tin cu actua. Statutonan ta defini con e decision mester wordo tuma y tin cu duna cuenta na minister.
E trahadonan nan disgusto parcialmente ta e nombracion di e director nobo, pero tambe situacion caminda cu pa añanan largo nan ta traha bao di un areglo, un rechtspositieregeling. Sa cu un rechtspositieregeling manera cu e ta, ta mucho pa un banda y den e caso aki, door cu e ta pa un banda, compara cu un CAO caminda cu tin un ley cu ta regula con un CAO mester ta, e ora ey ta duna e trahado mas derecho. No por haci cambio sin mas. Awor aki un cambio por tuma luga. Directie por tuma un medida, haci cambio y e trahado no por par’e, si e kier haci’e. E por tene na cuenta cu e pensamento di trahado, pero no tin obligacion, segun Dirksz.