Diabierna merdia trahadornan di Arubus a sali pafo hunto cu nan Sindicato pa un reunion pafo di e bus station. Magaly Brito durante un entrevista a duna di conoce cu el a haya un carta di gerencia pidiendo un peticion pa pospone e accion di protesta pa 1 siman. E argumento cu nan ta usa ta cu diamars awor SEPPA ta haya e oportunidad y minister Arends pa un reunion riba e tema y di otro banda a dirigi e carta aki for di momento cu a haye a mande pa e shopstuwerdnan pa asina nan tuma decision riba e tema. E trahadornan no ta contento cu e carta y ta interprete pa gana tempo y kico ta bay cambia si e reunion cu keda cambia cada rato y si e Minister y gerencia di Arubus tabata serio pa para e accion aki y e argumento cu nan ta usa pa cu servico publico, pero e trahadornan tin derecho y nan ta cansa, si kier a bin cu un proposicion por a bira un schalering y asina e trahadornan por a evalua si ta warda.
No ta di awor a informa Arubus y Minister di e protesta aki pa falta di cumplimento tur esaki ta bay bek na un reunion cu tabatin 16 di october unda den e reunion tabatin diferente aspectonan e.o cu ta yega bisa cu ta luchando pa un futuro salarial y no tin placa, y ta bisa no tin placa, pero a keda palabra cu e banda di raad a pidi pa un compania independiente bin cu proposicion pa trece e partido na mesa mas cerca di otro y no a haya e resultado aki.
Un otro tema cu a bin dilanti ta e echo cu entre gobierno y Arubus no por keda cla ainda pa cu e famoso SLA, e acuerdo entre e compania y gobierno di e servicio cu ta keda duna na comunidad na e prijs special y cuanto pais Aruba tin cu paga pa e servicio y minister na subsidio, ta desconoci pakico ta tarda y nos no por warda mas e excusa Magaly Brito a menciona. Durante reunionnan a compronde cu ta apenas 5 miyon Arubus a haya, Arubus no tin solamente compania di bus tin e Aruparking, Arutram y tur esakinan ta come for di e 10.6 miyon cu Arubus tin haya.
Pa algun tempo caba nos ta haya tende cu tin rumor ta bisa no tin placa pa paga e salario y esaki tin e trahadornan preocupa. Si no ta duna e subsidio corecto y si gobierno no ta duna e 10.6 miyon corecto na Arubus no ta suficiente. Salarionan ta abou aki y tin e costo di bida. Magaly Brito a menciona pakico ta warda te ora cu e trahadornan sali afo y mustra nan mal contento y e ora ta corda riba nan y esaki no ta e manera pa trata e trahadornan.
For di 2017 e schalering a keda mes cos tabatin un acuerdo prome cu e sindicato prome y nos a sigui cu e protocol pero a bay den discusion cu e compania y a drenta un tempo den pandemia y e compania no a busca ningun proposicion pa e futuro salarial, pero no ta kita afo cu e trahadornan a keda tras di exigencianan pa un miho salario y esaki a culmina unda gerencia aña pasa a implementa di kere loke ta bon y esaki a pone e trahadornan disgusta.
