Trahadornan di Arubus ta evaluando un welga pa no sigui contribui cu nan 12.6% na Gobierno

Segun informacion cu a yega na mesa di redaccion di masnoticia.com, por a compronde cu empleadonan di Arubus NV ta malcontento cu nan tin cu sigui aporta na e fondo di FASE door di entrega 12.6% di nan salario.

Por a compronde cu Directiva di e Compania Estatal di Transporte lo informa e empleadonan cu riba peticion di Gobierno di Aruba, lo sigui contribui cu 12.6% di nan salario, manera a bin ta haciendo for di aña 2020. Empleadonan di Arubus no ta contento cu nan tin cu keda contribui cu e fondo aki, mirando cu otro companiana ta contribui cu menos of nada mes, y awor ta exigi pa nan salario wordo paga completo bek.

Un situacion bastante tenso pa Gobierno mirando e situacion financiero precario cu nos Pais ta pasando aden danki na e pandemia di Covid, y awor un otro compania estatal ta menasa di welga pa no sigui contribui cu nan parti pa FASE. Di otro banda Hulanda ta poniendo condicionnan cu Gobierno di Aruba mester cumpli pa asina por sigui haya financiamento y no cay atras cu su ogligacionnan.

Comments

comments