Ainda e trahadonan di SVGA ta den protesta. Nan ta haya cu nan a wordo trata incorecto door di e directie. E delegado principal di FTA, cu ta alabes miembro di directiva di FTAta haya cu e trato cu nan a haya no ta conta cu aprobacion di FTA. Lamentablemente no por yega na un solucion.
Pa esaki e trahadonan a sigui den accion y nan ta bistiendo nan uniform full preto, pa mustra nan malcontento. Sr. Geerman a bisa cu FTA ta den reunion cu directie. Tur caminda unda tin diferencia ta na mesa e ta tin cu wordo atendi. Pero mester tin boluntad tambe pa yega na solucion y esaki ta loke e trahadonan ta haya cu falta akinan.
No ta un trahado ta malcontento, pero ta varios ta malcontento. No mester solamente wak e problema cu’n trahado por tin of por causa, pero mester wak tambe unda e fout di directie ta sinta, segun Sr. Hubert Geerman, di FTA.