Diaranson trahadonan di Serlimar, miembro di SEPPA a tene un accion di protesta na Parkietenbos. Nan a cera e porta pa tur e trucknan cu tin cu deposita sushi na Parkietenbos. Sra. Twyma van der Biezen ta amplia.
Nan punto ta cu Serlimar ta haci mas cu solamente recoge sushi pero nan ta maneha e desperdicio di Aruba completo. Pa loke ta e comentarionan cu ta andando den parlamento, cu tin e escogencia pa cuminsa haci un excepcion pa clientenan di Ecotech, diaranson e trahadonan a welga, unda nan kier pone un punto, cu nan ta keda responsabel a base di e Landsverordering cu desde 2005 Serlimar ta responsabel pa maneho di desperdicio, completo.
Esaki ta loke a tuma luga y nan ta spera cu henter Aruba por wak cu Serlimar tin hopi responsabilidad, y otro trucknan di otro companianan no por drenta y Parkietenbos ta completamente plat. E comentarionan ta loke sindicatonan no ta contento cun’e. Serlimar ta responsabel pa maneho di desperdicio. Y nan ta haya cu no mester tin un competencia, pasobra e introduccion di tarifa social tin un opbouwing di otro tipo di servicio, cu djis recoge. Pero tambe nan ta responsabel pa mantene e limpiesa di Aruba y tambe recoge sushi. Ecotech ta solamente recoge sushi.
Serlimar por wordo compara cu AZV, unda cu Serlimar tin tarifa social cu ta cubri tur e areanan di limpiesa di maneho di desperdicio y recogemento di sushi. Ecotech ta provee e servicio di recoge sushi como ‘aanvullend’. Serlimar ta keda e compania responsabel completamente.
Trahadonan kier pa Serlimar keda existi door di no para e proceso di sushi di cobramento di sushi. E tarifa social, segun Sra. Van der Biezen, ta pa mas cu solamente recogemento di sushi. Esaki nan kier aclarea na e comunidad. Nan tin hopi mas responsabilidad. Y awo e trahadonan ta expresa nan mes pa medio di e welga ta. Despues lo wak con grandi e efecto ta, pa djis pone un paro pa un paar di hora na Parkietenbos.
Pa loke ta e tiramento di sushi, no ta responsabel pa tira sushi otro caminda. Ta spera cu por yega na un solucion pronto. E landfill di Aruba ta e unico caminda cu por deposita desperdicio. No ta bedoeling pa haci uzo di otro dumpnan ilegal, ya cu esey no mag y nan no kier esey tampoco, segun Sra. Twyma Van der Biezen, Sales & Marketing Manager di Serlimar.