Diahuebs lo tin continuacion di e welga di e trahadornan di banco RBC. E welga aki ta yama door di sindicato FTA. Motibo di e welga aki ta cu banco unilateralmente a dicidi di elimina un beneficio di e Contrato Colectivo di Trabao (CAO) vigente entre partidonan.
Esaki banda di un welga pa perdida di un beneficio, ta un welga di principio. Ningun trahado ni ningun sindicato por acepta cu un empresa ta keda sin cumpli cu un acuerdo cu a wordo cera entre partidonan.
Respet mutuo ta e base di tur negociacion y acuerdo. RBC cu su actitud ta demostra di no kier atene na esaki, locual empleadonan ni nan representante no por ni tampoco lo tolera.