CARACAS, Venezuela- Luna pasa, e hefe di e industria petrolero Venezolano, e general Manuel Quevedo, a biaha pa un zona udna tabata tin trahadonan di PDVSA, den un SUV elegante.
Rondona di otro SUV cu tabata transporta guardianan di siguridad, el a pasa cerca di un grupo di empleadonan cu tabata sperando riba dje pa nan combersa cun’e. Nan tabata kier a papia cu e funcionario riba e lamentabel estado di e compania. Pero Quevedo y su caravana a pasa largo bay.
Ta mas facil sigui bisa cu tur cos ta bon y na mes momento mantene nos como esclabonan cu salarionan miserabel.
“E no a sali puntra e trahadonan over di kico ta pasando”, Jesus Tabata, dirigente sindical cu tabata traha den un plataforma den e Faja di Orinoco. “Di e manera ey ta mas facil sigui bisa cu tur cos ta bon y na mes momento mantene nos trahando cu salarionan miserabel”.
Loke ta pasando ta cu miles di trahadonan ta huyendo di e empresa petrolero. Algun oficina di PDVSA awo tin filanan largo cu docena di trahadonan sperando pa entrega nan retiro. Den al menos un oficina administrativo den estado Zulia, e personal di Recurso Humano a stop di procesa renuncianan, y nan a colga un borchi bisando:” Nos no ta acpeta renuncianan”, un trahado petrolero a declara na Reuters.
Estadisticanan oficial di e forsa laboral a comberti den un secreto bon warda, pero un docena di fuentenan a bisa a Reuters cu miles di trahado a renuncia e prome cuartal di aña caba”, un aumento di un problema di fluho di salida di aña pasa.
Rond di 25 mil trahado a renuncia entre comienso di januari 2017 y final di januari 2018, lider sindical y critico di gobierno, Ivan Freites, citando datonan interno di e compania. E cifra ta bin di un forsa laboral oficialmente reporta ultimo biaha pa PDVSA na 146 mil persona na 2016.
“Tur e trahadonan petrolero awe ta riba pia den defensa y pa rescate di nos salario”, el a bisa den un conferencia di prensa.
El a resalto cu un trahado cu experencia di 25 aña den e industria petrolero ta gana 350 mil bolivar pa quincena, cual e ta bisa di ta inhusto si observa cu’n empleado di PDVSA den un di e empresanan internacional di propiedad di estado Venezolano tin un salario di entre 5 pa 15 mil dollar mensual, mientras cu’n trahado di PDVA no ta yega ni 4 dollar mensual.
Freites a alerta e salarionan abao y e condicionnan extremo di insiguridad industrial, como tambe e imposicion di orden militar na civilnan di cu nan mester recupera e produccion sea como sea, a pesar di cu e instalacionnan ta den estado precario.
El a informa cu refineria Amuay ta produci actualmente 180 mil bari pa dia, mientras su capacidad ta di 650 mil bari pa dia. Na Cardon e produccion ta di 50 mil bari pa dia, mientras cu e tin capacidad di 350 mil bari pa dia.
PDVSA ta na punto di colapsa y esey lo nifica cu 110 mil trahado lo keda riba caya.
Tocante e saneamiento di e industria cu presidente Nicolas Maduro a ordena pa elima actonan di corupcion, el a enfatisa cu e colapso di e industria petrolero ta producto di mas di 18 a ña di corupcion oficialista.
“Haci un limpiesa den PDVSA lo nifica cu e regimen lo bandona poder y cun’e, e Cubano, Ruso y Chinesnan cu ta eyden, el a conclui.
Fuente: https://lta.reuters.com/