A core hasi cambio riba e posicion di trahadorna di paz sin cu sindicato avb ta na haltura e planesnan aki a pega pa cual Sra. Gina Maduro Presidente AVB ta splica kiko ta pasando cu e trahadonan.
Trahadonan a wordo informa for di un luna pasa, unda cu lo bin un fundacion nobo, GGZ (Geestelijk Gezondheidszorg) y unda PAAZ afdeling, cu ta parti di hospital lo mester wordo resolve. Loke a cay manera un bomb, tanto cerca e trahadonan como e sindicato, cu e sindicato no a wordo envolvi den nada, e proceso tabata hermeticamente cera. A busca un consultancy pa cuminsa orienta, y acumula informacion, pa traha statuut nobo, Raad van Toezicht, Raad van Bestuur nobo. Dia 3 di Februari a traha un samenwerkingsovereenkomst, entre AZV, Direktie Volksgezondheidszorg, SvB y tambe Maatschap di Psychiater, hunto cu e Raad van Bestuur di Hospital y hunto cu Minister Schwengle. Pero e stakeholder mas grandi, cu ta e trahadonan y e sindicato, no tabata forma parti di nada. Awo cu tur cos ta cla, cu e stichting a wordo forma, y cu e proceso ta cu e statuut mester bay notario, e trahadonan a haya invitacion unda cu eynan nan a wordo informa, cu entrante 1 di Januari 2018 nan lo bay cay bou di un stichting completamente nobo.
Den pasado caba a yega di papia over di un Fundacion pa mantene PAAZ apart, pero te cu awo el a wordo formalisa. Loke e trahadonan y sindicato ta haya un falta di respet, cu nan no a wordo envolvi den henter e proceso. Awo cu tur cos ta cla, nan a wordo puntra si nan a wordo informa.
Dialuna ultimo nan tabata tin un reunion cu AZV, tocante con e fasenann lo bay cana den e proximo lunanan, unda cu entrante 1 di Januari 2018, e trahadonan lo bay cay full bou un stichting nobo cu ta yama GGZ.
Esaki a pone un presion enorme ariba e trahadonan, preguntanann manera añanan di servicio, mi beneficionan primario y secundario. Den e presentacion e trahadonan a wordo informa cu tur cos lo bay over hunto cu e beneficionan aki lo bay over na e fundacion nobo.
Sindicato no kier tende mes di e palabra reorganisatie. Y tur mester bay over na e fundacion nobo. Ta na e PAAZ afdeling ta unda pashentann cu problemanan psychiatrico ta haya nan tratamento.
Ta spera cu e fundacion duna mas espacio pa bijscholing y e trahadonan por sigui cursonan pa upgrade. Ta bay un biaha mas, ta con e forma di lanta e fundacion a bay, unda cu e comienso tabata malo. Trabao di sindicato ta pa tene e trahadonan trankil pa e proximo shete lunanan.
Sindicato ta bisa cu e fundacion tabata tin un agenda scondi y como AVB nan a sinta varios biaha cu minister Schwengle y nunca e minister no a informa nan di nada. Aworaki AVB ta papiando cu nan miembroann pa nan haya confianza pa nan sigui cu e trayecto aki. Y nan a bisa cu di awo padilanti nan mester wordo envolvi den tur e proceso di awo padilanti cu e fundacion nobo.
Dialuna ultimo 9 or nan tabata tin un combersacion pa prome biaha nan tabata tin cu e consultancy, cu a bin Aruba pa varios biaha caba. AVB a puntra tambe ta dicon nan a kies e caminda aki, e contestanan cu nan a haya, ta cu si a informa nan di comienso nan lo a haci fastioso pa lanta e fundacion nobo.
Tur tey pa e beneficio y e mehoransa di e trahadonan y pa e zorg tuma luga manera mester ta. Psychiatrie ta un afdeling cu mester di su atencion y esey AVB ta boga pe tambe.
Dia 3 di Februari, cu tabata tin e firmamento simbolico, AVB a wordo laga afo cu ta representa e trahadonan cu ta e stakeholdernan di mas grandi, cu ta esunnan cu lo mester bay traha den e fundacion nobo aki. Y esey, segun Sra. Gina Maduro, ta e fout di mas grandi cu nan por a haci, dus di laga e trahadonan y e sindicato afo.