Trahadonan di Jeugdgezondheidszorg a pone trabou plat

Diaranson mainta dilanti di ofcina di DVG trahadonan di Jeugdgezondheidszorg a drenta den protesta ta motibo di mal contentonan. Ta e departamento cu ta encarga cu cuido salud hubenil y ta un departamento cu ta cay bou di salubridad publico, debi tin varios mal contento y preocupacion cu e departamento ta pasando aden desde aña pasa April y ta sin un propio edificio. Den e edificio cu nos ta actualmente na dje a wordo di afgekeurd y ta den un situacion deplorabel y ta un peliger pa tanto cliente y personal. Desde April nos no tin nos propio edificio y ta na diferente caminda, koffiekamer, sala di reunion of filekamer etc. Pero tur nos materialnan a keda den e edificio bieu y ta casi imposibel pa haci nos trabou manera debe ser. Diferente carta a keda manda pa e management team y tambe pa Minister, na Juli a sinta cu Minister na mesa y a bin na algun palabracion. Loke a ser papia ta cu su pa mita di Augustus e edificio cu Minister a apunta di e edificio aki no por keda cla pa nos por drenta cu Minister apunta un edificio cu ta casi cla cu nos por drenta mas lihe posibel y un edificio cu por wanta e personal cu nos ta. E combersacion cu tabata tin cu e Minister no a keda cumpli y a purba varios biaha a purba localisa e mandatario pa un contesta for di 19 Juli y no a haya nada y awe nos a dicidi cu no por sigui asina mas y a pone e trabou abou. A duna e minister 48 ora pa un contesta, un edificio cu ta cla cu por tuma 20 persona pa traha y tur nos material por bay aden. Nos ta stima nos trabou y nos kier bay mas lihe posibel pa haci nos trabou bek di nobo sra. Sharon Everts a bisa. E motibo ta cu scol ta bay cuminsa y nos mester prepara e campaña di vacunacion escolar pero esaki no por bay door actualmente.

Na final Sra Everts a duna di conoce cu nan mes a busca rond pa edificio y a duna minister e opcionnan cu edificionan cu ta cla cu nan por drenta aden cu ta wanta e espacio di personal y tur nos materialnan.

Comments

comments