Pa loke ta Migracion Aruba, despues di cu minister Bikker a nombra un Management Team na inmigracion pa atende cu e reorganisacion di e departamento. Sr. Rene Bernabela, di sindicato TOPA cu e relato.
TOPA a sinta un paar di biaha cu e management team pa tende di nan plannan, y segun por a compronde di e trahadonan, tin un tiki malcontento ya cu nan no ta wak e parti di locual ta kedando cla cun’e. Pero di parti di sindicato TOPA por a bisa cu TOPA a sinta na varios ocasion cu e management team y pa ta sincero, cu sindicato TOPA ta satisfecho cu e manera con un management team ta trahando. Esaki ta pasobra cu nan sa cu e trabao cu nan ta haciendo aworaki no ta uno facil. E trabao di reorganisa mester tene cuenta cun’e cu loke nan a haya di un director y e gobierno anterior, ta problema so nan a hereda.
Den e caso ey, mester por tin comprension pa e management team pa e trabao cu nan ta haciendo, cu no ta uno facil, pero cu e ta haciendo su esfuerso pa e personal di inmigracion di aeropuerto y Barcadera. TOPA tin comprension tambe pa e hecho cu no ta falta mucho pa keda cla cu algun detaye cu nan ta bezig cun’e di Departamento di Recurso Humano, pa loke ta e carriere plan pa locual ta e personal. Esey falta pa completa fulle formatieplan, pa esaki wordo entrega na minister Bikker.
P’esey sindicato TOPA ta sostene e management team, mirando cu no falta mucho ainda pa nan caba nan trabao. Y ta pidi encarecidamente pa e personal tin un tiki mas pasenhi, mirando cu e management team cu locual nan a duna di conoce, no falta mucho pa nan termina e formatierapport.
A papia ariba puntonan cu sindicato TOPA a trece na atencion di management team y di minister Bikker. Y minister Bikker a duna di conoce, cu e ta na altura pa locual ta e personal, cual tin un scarcedad y ta drentando e luna di december, trahadonan ta trahando 12 ora. Dado momento e curpa di e ser humano tambe ta cuminsa cansa y pa cu esaki, TOPA ta open pa tende kico lo ta e solucion di parti di management team y e ministerio di husticia den e caso aki, pa wak con lihe por bin cu’n solicitud habri pa asina inmigracion aeropuerto por haya personal, pasobra cu probablemente nan lo tin cu bay opleiding, e trabao, di kico tur mester wordo haci, pa despues bay den e departamento, pa nan core nan proeftijd adecuadamente manera cu e mester ta. Tur esakinan ta puntonan di preocupacion cu sindicato TOPA tambe a trece na atencion di minister Bikker, tanto pa e parti di personal cu mester den e caso aki y tambe pa material cu mester. E personal no ta corda ni ki dia tabata e ultimo biaha cu nan a ricibi materiaal na Inmigracion pa haci nan trabao.
E palabra ta na minister Andin Bikker, como minister di Husticia, pa minister Bikker bin dilanti y e ilustra kico ta e plannan pa inmigracion aeropuerto pa e añanan binidero y den ki direccion Inmigracionn aeropuerto lo tin di bay. Como e mandatario encarga cu husticia, hunto cu management team, duna un rueda di prensa, den ki direccion gobierno di Aruba lo kier wak inmigracion aeropuerto y Barcadera bay. E ora ey e fondonan financiero necesario mester wordo aloca, pa asina nan haya e materialnan necesario pa asina nan haci nan trabao en todo caso.
MIrando cu aeropuerto ta bayendo den direccion di expansion, dene e caso aki, esey tambe minister Bikker mester a tuma nota di esey, y esaki ta rekere cu e ora e personal di inmigracion mester wordo aumenta, ya cu den e ultimo 5 pa 10 añanan, ta basta personal a bay cu pension, y despues di esey no a recluta mas personal.
Lo mester haci un excepcion ariba e ley di CAft, pa recluta mas personal di Inmigracion ya cu nan no por traha full un aña sin haya personal nobo y pa haci nan trabao na aeropuerto manera debe ser, segun Sr. Rene Bernabela, di sindicato TOPA.