Siman pasa diabierna tabata tin un otro problema atrobe den e parti nobo di hospital, na momento cu Rontgenafdeling mester a wordo cera completo. Esaki ta door di e problema cu e holo di diesel. Sra. Gina Maduro di sindicato ABV.
Locual cu ABV a encontra tabata e sistema ICT, caminda cu no tin sistema, no tin telefon, cu consecuencia cu e servicio no por wordo duna optimalmente. Den emergencia, e ta bay manual, pero otro departamento manera Rontgen, CT-scan, MRI no por tuma luga door cu no tin sistema. Ta hopi fastioso cu sistema ta cay afo, unda cu no por duna servicio, unda cu pashentnan tin cu warda atrobe, pa oranan largo, y ta algo frusstrante.
Trahadonan ta cansa fada y harta di e situacion, unda cu hopi di nan tin hasta miedo pa traha, stress pa traha, door cu dunado di trabao, no por garantisa mas e siguridad, e bienestar of e salud di e trahado. Den CAO di trahadonan ta para cu e dunado ta responsabel pa e bienestar y siguridad di e trahado. E luga aki, segun Sra. Maduro no ta safe mas. E trahadonan ta bira hopi vulnerabel, nan ta bira depressief, otro ta hopi gestress, door cu cada biaha mester evacua, mester evacua pashent. Cada biaha mester meld ziek na Medwork y esey ta pone cu e record di AO ta halto.
Sindicato a reuni cu tur e partidonan unda cu ABV a pone bon cla, cu nan no por sigui asina mas. E minister a duna ordo na hospital pa cumisna claim tur e problemanan aki cu ta tumando luga. Esey lo a tuma luga siman pasa, unda cu hospital lo mester a manda su prome claim caba. Di otro banda, ABV tambe lo manda un claim contra di hospital pa un cantidad di trahado cu ta malo door di e mesun situacion aki.
Minister Oduber a duna ordo na SOGA pa traha rapport pa wak cuanto ta costa pa saca e boiler cu ta ubica den hospital. Contra tur conseho, toch e boiler a resulta paden di hospital. Awo ta warda e rapport pa wak unda ta bay ubica e boiler y ken ta paga pe, pero loke ta masha cla, ta cu e boiler no por keda paden mas.
Un ehempel hopi cla, ta cu e lekkage cu mainta trempan a bin haya e situacion di e tubo di awa ta rementa, caminda cu a inunda e luga y te cu plafon ta bin abao. P’esey mes, Sra. Maduro ta bisa cu danki Dios cu esaki no a sosode durante niun actividad laboral. E siguridad no por wordo garantisa y no por traha den un hospital, caminda ta duna servicio y busca bo salud, ta bin hayabo cu malesa.
Locual cu minister ta boga ta pa reforsa e bouwcommissie di hospital, ya cu e hospital nobo ta un proyecto hopi grandi. Tin falta di Manpower tambe di parti di hospital pa falta di control. Ta pa es motibo aki, minister ta boga pa bin cu’n di tres projectleider pa apoya e bouwcommissie di hospital, pa tin un miho control prome cu entrega cada fase.
Di parti hospital, nan a manda pidi expertonan di DTI, DOW pa bin wak e situacion y sindicato tambe a pidi e minister pa haci e diferente ‘metingen’ y ta wardando e resultadonan di esaki. TNO y Baptiste a haci meting y ta sperando ariba e resultado di esakinan, pa asina haya sa kico lo ta plan di accion.
Diamars ABV, sperando cu no tin niun incidente cu diesel of lekkage, pa asina pro sigui cu e negocacionnan di CAO, a pesar di cu hospital a bisa caba cu no tin placa, cual ta un storia di tur biaha. Esey segun ABV no ta nan problema y como trahado, hospital mester zorg pa nan. Pero Sra. Maduro a bisa di lo bay wak kico ta kico durante e negocacionnan cu lo continua diamars.