Awe mainta tabata tin un reunion general tocante 5% na unda cu desde Juli 2020, empleadonan di hospital ta entregando 5% di nan salario. A firma un protocol te cu December pa ta solidario den cuadro cu e pandemia, anto a bisa cu esaki lo ta te cu December. Esaki ta e sector cu juist a traha mas ora, mientras cu otronan por ehempel cu a traha menos y gana menos salario, na hospital ta lo contrario, nan a traha mas ora y gana menos, segun Gina Maduro di sindicato ABV ta bisa.
Ta pidi pa no mishi mas cu salario, trahadonan ta rabia y mientras no haya un carta cu lo stop 5%, no lo subi pia trabao. Tin trahadonan awor tog na pia di trabao, minimo di nan, casi manera ora ta un diadomingo. Gran parti di e trahadonan a sali manifesta awe mainta. Masnoticia lo keda pendiente pa mas informacion.