Dialuna anochi sindicato STA a keda invita na un reunion di trahadonan di Elmar. Motibo di reunion aki ta pasobra cu e trahadonan di ELmar no tin confianza mas den nan sindicato, pa cual nan ta pidi pa STA tuma over. Sr. Diego di Cuba ta splica mas ariba esaki.
Siman pasa STA a reuni cu’n grupo chikito di Elmar, pa motibo cu nan tabata tin problema cu e sindicato UEA. Durante e reunion na Piedra Plat Entertainment Center, STA tabata presente pa skucha nan problemanan. Pa sorpresa di STA, 80 di e trahadonan a dicidi di afilia na sindicato STA. Di e 80 nan aki, STA por a compronde cu 71 a entrega e carta di retiro. Segun Sr. de Cuba, nan no kier wordo representa mas door di UEA. STA a splica nan si over di e problenana cu tin ariba mesa y di e problemanan cu tin andando. STA prome cu e bay firma algo, e ta consulta cu e miembronan, prome cu cera un CAO ta consulta cu e miembronan, y esaki no tabata diferente den Elmar. Al parecer UEA tin un protocol cu gerencia di Elmar y esaki por ta desastroso pa e trahadonan. Aki ta caminda cu STA tin cu drenta y ruim op de boel.
Sr. de Cuba a tuma contacto cu mediador di Gobierno, pa splica mediador encuanto e asunto aki. Nan lo purba convence mediador pa e bay papia cu e gerencia y splica nan cu awo ta STA ta representa e trahadonan. Esaki ta pa evita e caminda di referendum, pa nan sinta na mesa di biaha y trata na yega na acuerdo rapido ariba e dilemanan aki, pasobra cu esaki por desemboca den un accion y tur hende sa cu accion di Elmar ta haci dolor. Y STA lo para tras di e nan miembronan si esaki ta nan decision. Pero Sr. de Cuba ta spera cu mediador logra convence gerencia di Elmar, y tambe abogado di sindicato ta wardando pa asina wak con lihe por yega na un solucion.
E dilema aki ta di lamenta, pasobra cu tabata bou di e impresion cu tur cos tabata canando bon pero nada ta bayendo bon. Nan por a compronde cu e sindicato tambe tin problema y esaki ta loke Sr. de Cuba a splicanan. No mester bruha IAO-er cu CAO-er. Paso si tin hende cu tin contrato individual y cu contrato colectivo y aki ta caminda cu e liña a bruha. Tin IAO-er cu ta parti di gerencia, cu mester atende cu nan completamente separa. Pero e protocol ta pone tanto e IAO-er cu e CAO- er hunto. Un IAO-er su salario ta hopi halto y e CAO-er e ta limita. Pa aña 2020 niun hende no lo conoce aumento mas despues di esey. Pero esaki no ta klop, pero sindicato STA ta studiando esaki mas profundo. Pero loke por a saca afor di e protocol, e no ta bon pa e clase trahado no. pa gerencia sigur cu si. Den caso di Elmar, STA a bisa cu nan ta bay trata di yuda e trahadonan. Pero esaki no ta bay di dia pa anochi, pa soluciona un problema cu tin pa hopi tempo caba. Nan tin un formula pa drecha esaki. Pakico daña algo cu tabata bon? Hasta tin funcionnan cu ta wordo eherce den Elmar cu no a aparece mas den e CAO, cual ta straño. Antes nan ta aparece, y awor nan a desaparece for di e contrato colectivo, segun Sr. Diego de Cuba, di sindicato STA.