Dialuna mainta trahadonan di e compania di telefon MIO a pidi reunion cu Departamento di Labor y Mediador pa wak kico por haci pa nan. Sr. Anselmo Pontilius, Mediador di Gobierno ta splica.
Mediador di Gobierno y Departamento di Labor, a tuma e iniciativa pa splica e trahadonan di MIO tocante nan derecho y kico mester tene cuenta cun’e, na momento cu surgi tipo di situacionnan aki. E compania ainda ta den operacion te ainda, y a splica e trahadonan cu si e compania stop mes cu e operacion, nan ta den servicio ainda cu e compania, si e compania no procede pa pidi permiso pa pidi terminacion di nan trabao. Sr. Pontilius a primitninan cu di biaha, lo tuma contacto cu SVB, den caso cu si resulta cu nan no ta bay haya salario y cu nan stop di opera cu tur e consecuencianan cu nan bin cun’e pa e trahadonan ta prepara y pa nan ta delanta pa wak kico por wordo haci pa e trahadonan di MIO. logicamente, tur trahado ta preocupa pa nan futuro. E trahadonan a puntra si nan ta den posicion pa bay solicita pa un trabao, considerando cu e compania tin bon oportunidad di disaparece di operacion.
Departamento di labor hunto cu Sr. Pontilius y tambe SvB, lo trata pa bin bek na nan, pa splicanan kico ta nan derechonan, si e compania wordo declara bancarota, a pesar cu e compania a bisa cu nan no ta den bancarota, pero cu ta gobierno ta kita nan licencia for di nan. Otro opcion ta cu si tin otro accionistanan cu tin e fondo cu lo kier tuma e compania over. E idea ta, na momento cu medidador di gobierno y Departamento di Labor, wordo involucra pa splica e trahadonan kico e tin cu tene cuenta cun’e ora cu un crisis manera esaki sosode. E trahadonan a cobra normal na Juni, pero ta keda e pregunta si tin salario na Juli, si of no. e problema ta bira mas grandi, na momento si den e proximo dianan aki, si berdad e compania no tin licencia mas pa opera, esey kiermen cu e no tin ingreso y cu tur e consecuencianan cu esaki por tin cun’e.