Trahadonan e Centro Multidisciplinario a bay dilanti di Bestuurskantoor pa asina expresa nan malcontento contra di e maneho di e minister di Enseñansa, drs. Rudy Lampe, hunto cu sindicato SEPPA.
Sr. Sigmund Jandroep, Logopedista na Centro Multidisciplinario ta splica di nan presencia na Bestuurskantoor, caminda cu e trahadonan hunto cu sindicato SEPPA a expresa nan malcontento contra di e minister di Enseñansa y a entrega un manifiesto na Sra. Prome Minister, mr. Evelyn Wever- Croes, pa bis’e y lag’e sa nan preocupacion profundo cu tin di haber cu e ultimo cambionan di maneho, e maneho specifico di e minister di Enseñansa, drs. Rudy Lampe.
For di januari 2018, tabata tin hopi cambionan cu a tuma luga, den enseñansa y specificamente na Centro Multidisciplinario, cu ta para pa yudansa, e muchanan tin mas necesidad di esaki na un scol regular. Nan ta para pa yuda muchanan cu no por ariba nan mesun forsa, traha of produci na un scol regular, cu asina di un otro forma ta haya yudansa den inclusion. Esey tambe ta un di e puntonan cu Prome Minister ta para pe. Y nan ta pensa cu e seccion cu ta traha cu e muchanan cu mester di guia intensivo, ta uno cu a demostra caba, di mester di e derecho di existi.
Mas aleu, Sr. Jandroep a sigui bisa cu e ultimo acontecimentonan ta mustra cu actualmente e centro ey un chens hopi grandi di no existi e siguiente aña escolar. Esey no tabata, en principio, e meta di minister Rudy Lampe.
E motibo cu a bay pa Minister Presidente y no di Enseñansa, ta cu na mas di un ocasion a purba di dialoga cu nan input na e minister di en cuestion, pero cada biaha ta ripara cu sea, e no ta duna atencion na e punto di sugerencia of e no ta scucha mes kico ta e sugerencia treci dilanti.
Algun di e puntonan di e manifiesto ta laga e Centro di Observacion (OVC) keda habri y funciona optimalmente, cu tur e personal necesario. Esey ta algo cu a cambio den e aña aki.
No minimalisa e personal di e Centro di Experticio. Actualmente ya caba nan tin falta di personal. Y tambe yena e vacaturanan di scolnan cu specificamente cu aworaki ta haci hopi falta. Y ta desea tambe pa e personal cu ta ‘ter beschikking’, pa nan bin traha per direct.
Tambe pa tur personal ricibi nan LB mas lihe cu ta posibel, ya cu ta nan derecho.
E personal didactico di e centro di experticio cu actualemente ta ter beschikking na scolnan publico, bin forma parti di e Centro Multidisciplinario cu ya caba tin un formatieplaats ariba e presupuesto. Tambe nan ta suplica pa stop e atakenan ariba e centro y trece claridad y trankilidad den e servicio pa cu e Centro. Te asina ley, Sr. Sigmund Jandroep, logopedista na Multidisciplinaire Centrum.