Pa Diego de Cuba di STA, e logro aki ta pa e trahadonan, mirando cu UPA no a haci nada pa nan sali p’adilanti y pa e siman aki mes STA lo cuminsa tuma acion special pa loke ta e tema di e pensioen di e trahadonan.
E resultado a sali na cla. 38 hende a vota di 40, cual ta uno bon. Hopi hende a vota e ora eynan, considera cu 95% pa 98% a vota, di cual 30 a vota pa STA y 8 a vota pa UPA. Dos persona no a bin vota. Tin di compronde cu nan ta AO, pero esey ta un muestra caba cu mayoria di trahadonan kier mira un cambio y e cos aki no ta prome biaha cu STA a pidi referendum pa e trahadonan di Astec. Esaki tabata e di dos biaha. E prome biaha el a wordo afgelast como kiera cu mediador na ultimo momento el a haya dos carta di retiro y e ora el a last af e referendum. Awor aki si e trahadonan a bin por la goma.
Mirando loke ta sosodiendo den e compania, tin di compronde di e propio trahadonan, cu tin un intimidacion di marca mayor. Un persecucion di marca mayor. Awor aki mes, pa e hendenan aki cu a afilia na STA, increiblemente con nan a wordo persigui. Te hasta pone nan riba schorsing. Practicamente un siguramente lo bay bira un shopsteward, pone riba un schorsing pa un investigacion innecesario.
Unda democracia di nos pais ta kedando. E cosnan aki ta espantoso segun de Cuba. E trahadonan a bisa ta basta y conociendo STA, ora nan drenta nan no ta haci wega. Kier sa precisamente kico ta pasando. Tin hopi cos cu ta bay busca contesta riba nan. Un di nan ta e pensioen. Otro kier keda cla lo mas pronto cu ta posibel cu un contrato colectivo. E hendenan aki ta kedando atras pa basta tempo caba y a bisa cu kier mira un mehoracion den e contrato colectivo. Kier mira un mehoracion den e beneficionan primario, beneficionan secundario. Kier sa kico ta pasando tambe cu e fondo di pensioen. Ta un issue hopi importante. Kier sa ken ta manehe, y con ta wordo maneha y kico tin pa e trahadonan. Un paar di tempo atras tabata tin un placa cu a desaparece riba 1 miyon y cos a manera keda keto. Kico a pasa. E placa a bin bek na e fondo di pensioen? Kico ta pasando, unda e placa ta wordo inverti, unda e placa ta wordo hinca. Si e fondo di pensioen ta generando placa extra cu e interes cu nan ta gana riba locual nan ta inverti. Con precies e ta hinca den otro. E abogado di STA a manda carta pa Astec pidiendo nan tur e documentonan pa locual ta trata e pensioen, e statutonan di e fondo di pensioen. Lamentablemente te awe no a ricibi nada. Awor aki, cu STA a gana e referendum, nan tin e derecho pa bay exigi esaki.