MADRID, Spaña – E multinacional di comercio electronico a bolbe crea polemica ora cu el a solicita agentenan di polis paden di su instalacion pa controla e productividad di su empleadonan durante e dia di trabao.
E trahadonan di Amazon di e centro logistico di San Fernando de Henares (Comunidad di Madrid), esun mas grandi na Spaña, ta den pleno welga ariba Black Friday, un di e dianan di mas benta di e multinacional Mericano, lider den bentanan online.
Marc Blanes, miembro di e comite di empresa di e instalacion aki, a informa cu e welga ta grandi. “A drenta entre 50 pa 60 auto, di cual mester ta mas di 200”, el a declara.
E total di personanan cu a duna oido na e welga di di un 85%, segun e sindicato Comisiones Obreras (CC.OO) un di e convocantenan di e welga.
E welga, cu lo sigui diasabra, ta hayando un apoyo grandi ariba rednan social cu e cracion di e hashtag #HuelgaAmazon y #BoicotAmazon. Tambe algun personalidad publico, como tambe politiconan, a mustra nan apoyo. Esaki ta e caso di e diputado pa Podemes den e Asamblea di Madrid Elena Sevillano.
E mobilisacion di e trahadonan di Amazon den e jornada no ta limita na solamente territorio Spaño, pero tambe otro paisnan manera Francia, segun e corant Frances La Voix du Nord, of Inglaterra, segun e portal Edelivery.
E welganan di e fin di siman aki no lo ta e ultimo na Spaña prome cu e temporada di Pasco. Di e manera aki, a convoca pa otro welga dianan 7 y 9 di december. (6 y 8 ta dianan festivo na Spaña) y pa 15 y 30 di december, 3 y 4 di januari.
Kico ta e trahadonan ta pidi?
E sindicato ta exigi e apertura di un negociacion riba e convenio colectivo cu, cu actualmente ta caduca desde algun luna. Di otro luna, nan ta pretende cu si e sigui asina cu e convenio cu ta vigente ora cu a habri e centro, cu tabata tin mehoranan pa cu e original, cual e empresa tin intencion di implanta, segun e sindicato CC.OO. a afirma.