ORLANDO, Merca – Si e trahado wordo declara culpabel, e ta enfrenta un castigo maximo di bida largo den un prizon federal. Un empleado di e parke tematico Magic Kingdom, cu ta forma parti di Walt Disney World Orlando, ta wordo acusa di a manda materialnan obsceno na un menor di 8 aña. Tambe e empleado a purba organisa un encuentro sexual cuc e mucha, segun e Oficina Federal di Florida.
Frederick Pohl Jr., procedente di Clermont (Florida) a wordo aresta y acusa diamars despues di cu el a bay un hotel na Orlando pa supuestamente e encuentro sexual ya menciona. Autoridadnana informa cu durante e detencion a descubri cu e acusado tabata den posesion di condom y un shimis di mucha color roos.
Segun e acusacion, Pohl a manda “potretnan explicito di su mes” y a organisa un encuentro den e hotel pa medio di un serie di comunicacionnan online pensando cu e tabata chat cu e menor y tata di esaki, pero en realidad e tabata chat cu’n agente federal undercover.
Pa aworaki, Pohl ta sigui den aresto preventivo. Si e wordo declara culpabel, e ta enfrenta un castigo di prizon di bida largo den un prizon federal.