Telefonicamente warda di Strandpolitie a wordo yama pa e head of Security di un hotel grandi, unda cu a meld di un caso di ladronicia di un celular cu a tuma luga. Tambe tabata tin grabacion di e incidente. A base di esaki, polis a bay na dicho hotel. Eynan a papia cu e turista, kende ta kedando na dicho hotel. E homber kier a duna keho di ladronicia ya menciona e nomber di S. El a declara cu mainta, e dia anterior, el a bay na e coffeeshop ”DD” den dicho hotel. El a declara cu accidentalmente el a laga su celular riba e bar. Despues cu el a bin bek su camber, el a ripara cu e no tabata tin su celular mas y a bay bek na dicho shop. El a puntra e mesun homber kende a yud’e prome si el a topa cu su celular. E homber a bisa cu no y a manda S. na e departamento di Lost & Found, unda cu hunto cu e Head of Security a tira un bista riba e camara. S. a bisa cu na e momento cu el a laga su celular atras, no tabata tin otro cliente presente y cu e unico personal den e shop, unda tabata tin un dama y e homber ya previamente menciona. Fuera di esey no tabata tin ningun hende.Ora di a mira e imagennan, el a mira con e personal masculino kende a yude mas prome, a coy e telefon y a hink’e den su saco di carson. Tambe dicho homber a cana sali for di e shop, mientras cu e denunciante tabata para ta papia cu un trahado di un otro compania na banda. E homber tabata cana dudoso den direccion di S. y a dicidi na final toch di bira lomba y cana bay paden di e coffeeshop. A base di esaki e homber kende a indica cu yama SP, a wordo confronta door di e Head of Security y despues di esey a saca e telefon for di su brommer cu el a para pafo. Di esaki un denuncia a wordo haci. P a wordo retira di biaha for di su trabao y a wordo manda cas. Su datonan personal a wordo duna na polis door di dicho coffeeshop. E telefon mientras tanto a wordo duna bek na e doño, e homber SASO.