Ta bon pa traha un plan di escape ora di un candela, segun Ferdinand Ponson, vocero di Cuerpo di Bombero.
E lema di e aña pa nan Fire Prevention Week lo ta cu Traha pa bo segundo escape, ruta di escape. Esey ta basa ariba e fire escape plan, dus un plan di evacuacion cu normal tur luga grandi mester tin e plan aki di evacuacion. Hopi cas di famia no ta pone enfasis ariba esaki. Den caso di un candela na un cas, mester tin un plan traha caba.
Cuerpo di Bombero ta dunando lezing caba na scol, unda ta laga nan pinta nan ruta di escape. Nan ta pinta nan cas, of nan klas. Nan ta bisa cual ta nan prome opcion, unda nan por sali bay y unda ta topa.
Cada rato cu traha un plan di escape, mester tin un punto unda ta topa cu e famia, y asina check si tur hende tey. Muchanan di scol ta dunanan dos diferente color y nan ta indica nan prome salida y nan di dos salida. Semper ora di scapa, corda cu e candela semper mester ta den bo lomba. Nan scol semper e muchanan ta wordo asigna dos dos. Si un mucha yega su so, ta puntra unda su partner ta y si e no sa, lo bay pa check pa e partner aki.
Na diferente ocasion, un mucha enbes di sali bay pafo, ta gusta sconde bou cama of den kashi, caminda nan ta sinti nan mes sigur. Ta pidi pa conscientisa e mucha ora di candela, unda nan mester bay, kico nan mester haci. Siña e mucha cu e mester bay pafo. Tur famia traha un plan di escape ora di candela, pa nan sa kico pa haci.
Cuerpo di Bombero na scol a pidi e muchanan pa pinta nan plan di escape na cas, hunto cu nan mayornan, y subi e pagina di Facebook di e mayornan y tag Cuerpo di Bombero ariba dje. Di e manera aki tur hende por wak, cual ta bo plan di escape. Cuerpo di Bombero tambe lo pone un patroon ariba dje, cual nan a baha for di NFP site di manera cu bo por wak kico ta e cosnan cu mester tene cuenta cun’e, ken ta yama 911. E ora tin un model pa traha un di bo cas, post ariba Facebook y tag Brandweer Aruba ariba dje. Asina ta yuda conscientisa tur hende na Aruba pa tin un plan di escape den caso di un incidente.
Durante e Fire Prevention Week lo purba di por tin un cu lo por wordo uza como model. Kisas tin scolnan cu lo kier doe mee y asina competi contra otro. Y lo scoge mas cu un scol ganado. Brandweer lo yuda e muchanan, ora cu vakantie yega of den October, nan organisa un waterdag y cu gusto Brandweer lo yudanan, segun Sr. Ferdinand Ponson, vocero di Cuerpo di Bombero.