Teletrabao ta ofrece na prome bista hopi bentaha, manera gana tempo y placa den transporte of un bida familiar mas balansa, pero den dosisnan grandi, por afecta bo salud, un informe di Nacionnan Uni a revela.
E documento realisa conhuntamente pa e Organisacion Internacional di Trabao (OIT) y Eurofund, un agencia di Union Europeo, ta basa den investigacionnan cu a tuma luga den 15 pais.
E informe ta distingui entre e personanan cu ta traha for di cas, cu ta parce fosa di un mayor balance entre e bida laboral y familiar y e trahadonan “hopi mobil”, cu medionan di comunicacion nobo ta emplea y ta hopi mas exponi na e consecuencianan negativo den bo salud y bienestad, Efe ta reporta.
Entre e bentahanan di teletrabao, e empleadonan ta señala un reduccio di e tempo di desplasamento, un mayor autonomia y un mayor ekilibrio entre e bida profesional y esun priva.
Empresanan ta mira den e modalidad aki un mayor motivacion di parti di e perosnal, mas productividad y eficiencia y riba tur cos, un reduccion di e espacio necesario di trabao.
Sin embargo, e otro cara di e teletrabao ta mas inkietante.
E informe ta destaca “e tendencia na induci unp rolongacion di e hornada laboral, den crea un superposicion entre e trabao remunera y e bida priva y pa esaki bay pa un intensificacion di trabao.”
“41% di e empleadonan ta hopi mobil ta duna muestra di nivelnan halto di stress, compara cu e 25% di esnan cu ta traha den un oficina full time,” e estudio ta indica. Ademas 42% di e personanan cu ta traha den nan cas full time y 42% di trahadonan hopi mobil ta declara cu ta lanta varios biaha pa anochi, mientras cu esaki solamente ta pasa 29% di e empleadonan cu ta labora den oficina.
Jon Messenger, coautor di e informe, ta subraya e bentahanan di teletrabao den tempo parcial, cu ta permiti mantene e contacto cu otro coleganan.
E ekilibrio ideal parce ta di 2 pa 3 dia di trabao na cas. Kisas e empresanan lo tin cu recuri (na teletrabao) mas frecuentemente, pues tin efectonan positivo, no solamente pa e empleadonan sino tambe pa e empleador, Messenger a bisa den un rueda di prensa na Geneve.
E informe ta defende admeas, e “derecho di desconexion”, citando e ehempel di Francia y Alemania. Algun empresa ya ta imone pa paga e servernan informativo pafo di e oranan di trabao pa impedi e mandamento di email durante e tempo di descanso y vakantie.
Fuente: El Universal