Diabierna merdia alarma a keda bati cu riba lama na Mangel Halto e yate di pelican ta staciona cu grupo di turista y tabatin snorkelmente tumando luga. Momento cu tur hende tabata den awa un señora di edad a confronta problema y a cuminsa hoga y guli basta awa. Tur hende a drenta panico y e personal di e compania di tour a drenta accion di biaha mientras cu e turista a caba di haya su complicacion serio den lama. A bati alarma na autoridad debi cu señora a stop di hala rosea riba nan y a cuminsa cu reanimacion. Cu un boto a yega cu e persona y e casa na e pier di Palm Island. Eynan paramediconan di ambulance a sigui cu reanimacion. Ta bira e di dos caso cu a tuma luga na Mangel Halto durante snorklemento cu turista, riba 26 di januari 2023, tabata mes un sucedido asina.
Janine di Slachtofferhulp a presenta di biaha na e sitio pa brinda ayudo na e casa cu tabata na e sitio di a mira cu su señora no a logra sobrevivi y a yama dokter pa constata morto di e señora di riba 70 aña di edad.
Polis tambe tabata na e sitio pa pone nan mes na altura di e caso.