E caos y devastacion a golpia e ciudad Indio di Bombay dialuna anochi, ora cu tormenta fuerte di polvo y awasero intenso a asota e region. Memey di e desaster natural, diferente borchi di propaganda a cay den otro, stellage a collapse y mata a wordo ranca den varios districto di e metropolis.
E bario di Ghatkopar, ubica cerca di e aeropuerto di e ciudad, tabata un di e luganan mas afecta p’e tragedia. Un borchi grandi a cay riba un stacion di gasolin, cobrando bida di por lo menos ocho persona y lagando otro 60 herida, segun India Today a informa. Video comparti riba red social, a captura e momento caminda cu varios vehiculo a keda atrapa bao di e escombronan di e borchi.
E condicionnan climatico extremo a obliga e aeropuerto di bombay suspende temporalmente su operacionnan durante un ora, agregando mas complicacion n’e situacion ya caotico den e ciudad.
