BOGOTA, Colombia – E trafico di pasahero di e aerolinea Avianca Holdings SA, un di e mayornan di Latino America, a crece un 4 porciento interanual na Augustus pa un aumento di e demanda riba su rutanan domestico na Colombia, Peru y Ecuador, mescos cu e destinonan internacional, e compania a informa dialuna.
E grupo a mobilisa un total di 2.68 miyon di pasahero den e di ocho luna di aña. Entre Januari y Augustus, Avianca a transporta mas di 20.6 miyon di pasahero, un crecemento di 6.5 porciento den comparacion cu e mesun lapso di 2016.
E cantidad di pasahero transporta dentro di Colombia, Ecuador y Peru, a crece un 1,8 porciento interanual na Augustus pa 1.56 miyon. Den e prome ocho lunanan, e aumento tabata di un 3.2 porciento, na mas di 12 miyon di biahero, compara e mesun periodo di e aña pasa.
E aerolinea a traslada 1,11 miyon di pasahero riba su rutanan internacional na Augustus, un aumento di un 7.2 porciento compara cu e mesun luna di e aña anterior. Den e prome ocho lunanan e acumulado a subi na 8.61 miyon di pasahero, un 11.5 porciento masc u den e mesun lapso di 2016.
E grupo Avianca ta integra pa e aerolineanan Avianca y Tampa Cargo SA, constitui na Colombia y Aerolineanan Galapago SA (Aerogal) di Ecuador, ademas di e companianan di e Grupo TACA.
Avianca Holdings, cu a transporta 29.5 miyon di pasahero den 2016, tin mas di 21 mil empleado y ta cubri 105 destino den 28 pais di America y Europa cu 177 avion.
Fuente: www.reuters.com