Trabounan ta kedando cla pa apertura di e Upcycle Center

Pa locual ta Upcycle Center esaki ta bayendo hopi bon. Dianan ta pasando hopi bon. A logra sinta cu cinco fundacion y organisacion cu ta parti di full e proyecto aki como stakeholder. Nan ta yuda Serlimar carga henter e proyecto aki.
Sra. Twyma van der Biezen a sigui bisa cu ta poniendo un dia pa haci e apertura, pa tur hende cuminsa ervaar y wak kico ta wordo haci na Upcycle Center. Y a cuminsa na bisindario, hendenan cu ta biba den bisindario di Pos Chikito, pa asina haya informacion di nan banda, di e Upcycle Center y kico ta bay wordo haci eyden.
E Upcycle Center lo bay bira un centro educativo y entertaining, unda cu lo tin diferente container cu materialnan reciclabel. Lo tin reglanan unda cu lo pone e barera hopi halto pa loke ta e calidad y cantidad di material cu ta haya. Por pensa ariba materialnan manera plastico, palet, sapato, cos di hunga, aluminium, corant y tambe mueblenan cu por wordo reuza, upcycle, recycle. Conhuntamente cu e organisacionnan aki ta purbando pa yega na un acuerdo pa asina nan por cuminsa y continua cu e proceso full di e upcycling di e materialnan aki.
Loke e ta bay bira ta un centro educativo, unda tur hende pro siña di e parti aki, pa nan mes, pa haci uzo di cierto material. P.e. plastic di un solo uza, y tambe reusa, hunto cu e organisacionnan aki, y alabes recicla, kico por recicla y con pa recicla.
Esaki ta e idea di upcycle center, cu full e programa, informacion pa scolnan, companianan y tambe e individualnan na cas.
E limpiesa e un di e prioridad di e luga aki. E focus principal ta pa e centro ta uno limpi. Esaki kiermen cu tur e materialnan mester ta limpi. Sea ta bin trece plastic, aluminium, carton, tur mester ta limpi, pa yega na e status di e reglanan.
Di parti di e centro, nan lo tin nan hendenan pa haci e luga limpi tur dia, pa e bira un luga placentero.
Por ultimo, ta pidi pa e pueblo di Aruba pa keda pendiente den luna di juni, pa e anuncio di apertura y tambe actividadnan di e Upcycle Center.

Comments

comments