Diabierna durante un conferencia di prensa, DOW a duna mas informacion tocante e construccion di e Watty Vos Boulevard. Sr. Marlon Croes, director di DOW cu e relato.
E construccion aki a cuminsa na 2017 y pa augustus 2019, e lo mester ta available pa e comunidad di Aruba por uza. Por a ripara cu ariba caya tin hopi trabou ta tumando luga. Tin diferente trabounan ta tumando luga, na Seroe Patrishi, Tanki Leender, Ponton, Oceania cu mester tuma luga, tin esun di Alhambra cu ta tumando luga, Juancho Irausquin Blv ta cera y Fermin’s Bar cu ta para aworaki.
E trabounan pa e temporada padilanti pa bay direccion di augustus, di awo padilanti ta intensifica mas hopi, pa cual ta pidi cooperacion di comunidad pa por carga pasenshi y comprension pa e trabounan cu tin cu tuma luga den e proximo simannan nos dilanti, pa asina finalisa e proyecto aki, unda cu tur por gosa di dje.
Di otro banda, Sr. Croes a clarifica cu ariba e Facebook di DOW, nan ta hayando bastante critica. Den e caso aki ta un contract firma, un contracto di diseño, construccion, mantencion ta pa e contratista Motta Engel. Ora cu e trabou ta wordo cera, e ta den planning di Motta. DOW ta solamente canalisa y duna informacion na comunidad di Aruba.
Constantemente DOW ta hayando critica, den sentido cu DOW no ta e ‘boosdoener’ pero ta Motta ta e compania cu ta responsabel pa e planning. Naturalmente DOW tin un rol pa yuda y guia, duna informacion, wak pa e cosnan cana un tiki mas miho cu ta posibel.