Departamento di Obra Publico ta informa pueblo di Aruba en general y specialmente nos automobilistanan relaciona cu e trabou di Verkeersplateau den Caya Frere Willibrordius y un otro Verkeersplateau den Caya Frere Caspar cu lo tuma luga diaranson 7 di September y diahuebs 8 di September 2016 respectivamente.
Pa e motibo aki lo cera e cayanan menciona pa trafico. Ta bay haci uzo di rutanan alternativo lo ta indica cu baricada y borchinan di aviso.
E trabou lo cuminsa 7’or di anochi y ta programa pa caba 3’or di marduga.
Ta pidi tur automobilista, negoshi y otro usuario pa tene cuenta cu e inconveniencianan cu lo por surgi pa cual nos ta pidi nos disculpa.