Departamento di Obra Publico ta informa pueblo di Aruba en general y specialmente nos automobilistanan relaciona cu e trabou di Verkeersplateau den Driemasterstraat na altura di St. Fransiscus College cu lo wordo haci diaranson 21 di September y diahuebs 22 di September 2016.
Pa e motibo aki tur trafico riba e caya ariba menciona lo wordo cera pa trafico. Tur trafico biniendo di Santa Helenastraat lo wordo desvia via Edenstraat, Weststraat, Rudolf Arendstraat pa yega Driemasterstraat. Tur trafico biniendo di e luz di trafico lo wordo desvia via Rudolf Arendstraat, Weststraat pa yega Santa Helenastraat.
Rutanan alternativo aki lo keda indica cu baricadanan y borchinan di aviso.
E trabou lo cuminsa 7or di anochi y ta programa pa caba 3or di marduga.
Ta pidi tur automobilista, negoshinan y otro usuarionan pa tene cuenta cu e inconveniencianan cu lo por surgi pa cual nos ta pidi nos disculpa.