Departamento di Obra Publico ta informa pueblo di Aruba en general y specialmente nos automobilistanan relaciona cu e trabou di recap caminda di Simeon Antonio pa Airport cu lo mester tuma luga riba dianan 5-6-7 y 8 di September 2016.
E caminda menciona lo ta cera pa trafico riba dicho dianan. Lo desvia trafico biniendo di Simeon Antonio via e verbindingsweg di Simeon Antonio bek pa caminda principal Oranjestad/ San Nicolas.
E rutanan alternativo lo ta indica cu baricada y borchinan di aviso.
E trabou lo cuminsa 7’or di anochi y ta programa pa caba 3’or di marduga.
Ta pidi tur automobilista, negoshinan y otro usuarionan pa tene cuenta cu e inconveniencianan cu lo por surgi pa cual nos ta pidi nos disculpa.