Departamento di Obra Publico ta informa pueblo di Aruba en general y specialmente nos automobilistanan tocante ceramento di caya relaciona cu trabou di mantencion urgente.
E sistema di riolering riba e trayecto di John G Emanstraat entre Weststraat y Emmastraat mester tuma luga diahuebs 25 di Augustus 2016. Consecuentemente lo cera e trayecto pa tur trafico for di Weststraat y Visstraat.
Lo desvia tur trafico via di Avenida Alo Tromp, Emmastraat pa yega na John G. Emanstraat. E desvio di rutanan lo ta indica cu baricada y borchinan di aviso.
E trabou lo cuminsa 9’or di mainta y ta programa pa caba 12’or di merdia.
Ta pidi tur automobilista, negoshi y otro usuarionan pa tene cuenta cu e inconveniencianan cu lo por surgi pa cual nos ta pidi nos disculpa.