Departamento di Obra Publico ta informa pueblo di Aruba en general y specialmente nos automobilistanan relaciona cu e trabou di 2 Verkeersplateau den Wabistraat na Ponton cu lo mester wordo haci diaranson 2 y diahuebs 3 di November 2016.
Trafico drentando Wabistraat for di Caya Ernesto Petronia lo desvia via Scopetstraat, Barba di Yoncumanstraat, Watapanastraat sigui via Wabistraat. Trafico biniendo di Tanki Leendert rumbo Caya Ernesto Petronia lo ser desvia na altura di Watapanastraat, Barba di Yoncumanstraat, Scopetstraat y via Wabistraat pa yega Caya Ernesto Petronia.
Rutanan alternativa lo keda indica cu baricada y borchinan di aviso.
E trabou lo cuminsa 7or di anochi y ta programa pa caba 3or di marduga riba ambos anochi.
Ta pidi tur automobilista, negoshinan y otro usuarionan pa tene cuenta cu e inconveniencia cu lo por surgi pa cual nos ta pidi nos disculpa.