Departamento di Obranan Publico a haci un bishita na dump di Parkietenbos diamars ultimo. Y diaranson mainta, pa nan wak con e trabaonan ta bayendo di e slib en branding. Sr. Marlon Croes, director di DOW ta amplia mas ariba esaki den un entrevista.
Slip ta un producto deriva for di e plantanan di purificacion, cu ora caba di purifica e awa, ta crea un lodo, cual mester deshaci di dje.
DOW tin un contract cu’n contratista cu lo bay ta kimando e slip aki pa DOW, na un manera responsabel. E bishita aki a wordo haci na Parkietenbos pa wak si e ta sosode na un manera responsabel, pa wak kico por mehora y asina pa ta mas sostenibel y duradero den tempo cu nos medio ambiente
Pa loke ta esaki, tin diferente punto di bista, y esakinan ta wordo analisa pa wak kico e ta. Si ta di menciona cu loke a wak ta si cu tin hopi espacio pa mehoransa. Tin cu bay traha duro, pa mehora e sistema.
E minister di Medio Ambiente ta interesa hopi den esaki, mirando cu e ley di ROP ta na caminda, e Marine Park, etc. ta na caminda. Sr. Croes a sigui splica cu aworaki tin diferente leynan, mirando cu un 40 aña pa 50 aña pasa, medio ambiente no tabata prioridad. Nan tabata desaroya. Pero segun e desaroyo ta tuma luga, e Medio Ambiente ta birando mas chikito cu tin cu conserva loke tin, conserva loke cu tin awe pa e siguiente generacion pro gosa di dje tambe. Esey ta pone hopi restriccionnan ariba con mester traha e infrastructura, con pa deal cu e sushi, cu e slip y esakinan ta rekisitonan pa ta sostenibel y duradero den tempo. E proceso aki ta tumando luga den cooperacion cu DNM, Serlimar, ministerio di Ambiente pa por haci e actividadnan como DOW na un manera mas responsabel.