Despues di dos accidente cu a tuma lugar riba e caminda di Green Corridor, pa loke ta e parti di coriente esaki ta para pa cual mas cobamento riba e proyecto no por sigui segun Sr. Marlon Croes.
E compania a dal den un kabel 60 KV di Elmar. Naturalmente ta bay wak e redundancy and reliability di Elmar pa provee coriente, y ta hopi lihe Elmar a switch over pa garantisa coriente na e pueblo. Si sigui coba, e riesgonan ta aumenta cu si dal un otro kabel, cu si dal den otro kabel, ta kibra e redundancy y reliability di suminsitro di coriente. Pa es motibo ey a urgi DOW pa para e trabao y a reuni cu CC Odinsa, te ora cu e redundancy ta reestableci, e ora ey trabaonan por sigui atrobe.
Segun Sr. Croes, trabaonan grandi rond di 60 Kv no ta tumando luga y esaki naturalmente lo trece retraso den e proyecto. E PPP team di DOW ta bezig ta pidi schedulenan updated di e compania, pa asina tin un bista di e delay.
E compania cu ta coba tin tur informacion di e kabelnan di Elmar, pero descuido ariba trabao ta sosode. Den caso aki, e compania Odinsa CC ta responsabel pa tur e gastonan cu envolvi den esaki. Asina Sr. Marlon Croes, director di DOW a finalisa bisando.