sr. Jossy Figaroa, director di Aruba Ports Authority ta anuncia nan proyecto di dredging cual lo cuminsa pronto.
Ta un proyecto unda nan lo bay coba den e canal na Playa. E ta un proyecto di dredging, na unda cu nan no ta bay kibra locual cu tin. No ta bay kibra niun koraal, pero e ta un trabao unda ta bay haci trabaonan di mantencion. Locual a sosode ultimo añanan y locual a bin acerca, ta loke ta bay kita.
Motibo di e proyecto aki, ta bin door cu barconan crucero tur aña ta keda crece un tiki. Nan ta crece largura y den luna di mei lo bin Aruba, cu nunca antes a yega di bin Aruba. Ta barconan di Freedom Class y nan tin un largura di 339 mts. Segun e nautical manager di APA, nos por ricibinan. Pero e compania crucero, Royal Caribe Cruiseline a bisa di ta prefera pa APA haci toch algun trabao acerca. Nan tabata kier pa haci e mantencion den e canal cu mester tin e minimo di 12 meter.
E trabaonan den waf a tuma luga mas o menos 60 aña pasa, ora cu a bin cu e containerkade, y p’esey e trabou aki a bira hopi importante di haci door cu esaki no ta pa e parti aki so.
E ta un trabao, segun Sr. Figaroa, hopi importante. No ta pa e parti aki so, pero lo sigui aki 3 aña, unda cu lo haci un trabao hopi mas grandi, unda cu nan tin miedo, door cu e barco ta grandi, ora di lora e por bay dal na cierto partinan. E barconan aki lo kier bin Aruba na 2020-2021 y aki 3 aña APA lo bin cu proyectonan mas grandi, di loek nan ta papiando awo ariba dje.
E barco pa cual APA ta haciendo e trabao aki, y e compania cu lo ehecuta e trabao aki ta un compania Hulandes, Baggerbedrijf de Boer, cu a duna e miho oferta ariba e destaho publico di APA.
Tabata tin varios compania internacional cu a participa, incluso di Aruba, pero e compania di Hulanda tabata esun cu a duna e miho oferta.
Ora cu ta preparando e proyecto aki, Sr. Figaroa a sigui bisa, a pensa na prome instante cu e material cu ta bay saca cu nan lo uz’e of pone na un caminda banda di Bushiri, unda cu e ta safe unda cu Aruba mes lo haci uzo di dje. A resulta cu e material cu nan lo saca ta mucho mas grandi cu nan a pensa cu e lo por ta y kisas cu tin slip, manera lodo y kisas e no ta bon pa drecha beach, etc. E ora APA a haya nan cu’n reto kico ta bay haci cu tur e material cu ta bay saca, mirando e cantidad grandi cu ta bay saca pa tene e canal na e nivel cu nan ta desea, segun Sr. Jossy Figaroa, director di APA NV.