Diaranson 5 di september lo tin un encuentro pa comerciantenan, na Centro di Bario Dakota, di 7 or pa 8 or di anochi. Sra. Sonja Velthuizen, directora di Camara di Comercio ta splica.
Ta importante pa tur e comerciantenan t’ey pa asina comparti nan pensamento y puntonan di preopacion cu Camara. E meta final ta pa traha ariba un documento yena cu feedback di comercio y por presenta esaki na parlamento y gobierno.
Camara di Comercio lo trata diferente topico e anochi aki, manera desaroyo economico y desaroyo social. Tambe lo splica kico mester mehora den e sistema di impuesto, e cost of doing business,etc. E idioma principal lo ta na papiamento, pero por haci pregunta na tur e idioma.
E anochi aki, Centro di Bario Dakota mes lo tin su bar, non- alcoholic y Sra. Velthuizen kier invita tur comerciante pa un Town Hall Meeting, na Centro di Bario Dakota. Tur asistente na e anochi di Town Hall Meeting, ta wordo pidi pa repasa e ‘living document’, cual Camara di Comercio a traha. E ta menciona diferente puntonan di atencion y tambe solucionnan.
Esun cu kier ta presente na e Town Hall Meeting, por manda un email na [email protected]. Tambe por yama na 582-1566. Sra. Velthuizen ta conta cu presencia di tur comerciante e anochi aki na Centro di Bario Dakota.
Ta hopi importante pa registra, ya cu Camara di Comercio kier haya feedback di tur hende, tur comerciante den nan documento. Hopi comerciante tambe ta traha un cita cu Camara di Comercio y nan info y feedback ta wordo inclui den nan documento, esta nan puntonan di preocupacion y nan pensamento, tocante e.g. impuesto nobo, con e ta bay. Con e revenue ta bay, caya grandi no ta bay bon y con lo bay soluciona esaki.
Camara di Comercio kier brainstorm y nan kier feedback di con por soluciona esey. Te aisna leu, Sra. Sonja Velthuizen, directora di Camara di Comercio.