Total Finance ta sigui cu su compromiso cu Aruba, particular esnan mas
vulnerable mane nos muchanan. Total Finance a lansa un campaña na comienso di February cu yama “Celebra Carnaval 65 cu Total Finance y aporta na un bon causa”, cumprando un tshirt na balor simbolico di 10 florin y contribui na yuda fundacion “Cares for Ethan”.
Nos compromiso cu comunidad ta specialmente cu mucha, y nos kier gradici e cientos di persona of gruponan carnavalista cu a participa a care pa Ethan.
100% di tur t-shirt bendi ta bay pa e fundashon di Ethan cual nos a logra bende un total di 556 t-shirt.
Total Finance ta keda dedica na ser un bon cuidadano cu compromiso na Aruba I su hendenan. Awe nos ta hasi entrega di un check simbolico na Sra. Shahaira Geerman mama di Ethan di un bunita suma di Awg 5560.00. Nos ta spera cu esaki por ta un estimulo pa comercio y pueblo yuda esnan mas cu tin mester y muy enespecial nos muchanan di Aruba.