Willemstad Curacao: Wes a duna su veredikto awe tardi, 28 di september 2018, den kaso “Gabilan”. Ta trata e kaso na unda tin 4 homber sospechá di asesinato di Gerald “Chado” Nicolaina dia 5 di febrüari 2017 den su kas den Penstraat. Un asina yamá “huurmoord”, esta na unda a paga pa asesiná un otro persona. “Un hecho reprochabel”, asina Wes a bisa awe den su veredikto den salq di Korte.
Wes a duna su kondena awe, kompletamente konforme e demanda di Ministerio Publiko (OM): pa Shervienne M.: 18 aña prison (tiradó ku a los e tiru fatal). Pa Michael “Chamo” V.: 16 aña prison. Pa Roberto “Batuto” R.: 18 aña prison (a duna orden pa asesinato). Pa Shurandy C.: 16 aña prison.
Tambe Wes a otorga daño perhuisio pa daño material na tata, mama i ruman di defuntu “Chado”. Gobiernu lo keda enkargá pa adelantá e pago na e famia (schadevergoedingsmaatregel).