Recientemente e diferente unidadnan di Colegio EPI tawata tin e honor pa
entrega diploma na e graduadonan di nan unidad.
E resultado total pa Colegio EPI ta 59 porciento, pues un total di 247 graduado.
E resultado pa e diferente unidadnan ta lo siguiente.
65 porciento di studiantenan di Ciencia & Tecnologia a gradua, esaki ta un total di 43 graduado.
Cristian Navarro ta e miho graduado di unidad Ciencia & Tecnologia, sector Bouwkunde, Eljean
Holsman ta e miho graduado di sector Elektrotechniek y Elias Halabi ta e miho graduado di sector Werktuigbouwkunde.
Un total di 78 porciento di studiantenan di Economia a gradua, esaki ta un total di 76 graduado. Naren Gomes ta e miho graduado di unidad Economia y Directiesecretaresse, Abdul Ohab ta e miho graduado di Financiële Administratie, Erwin Dijkhoff ta e miho graduado di Toeristische
Administratie, Andre Koolman ta e miho graduado di Toeristische Secretaresse y Nicolas
Mosquera ta e miho graduado di Commerciële Dienstverlening.
Un total di 45 porciento di studiantenan di Hospitalidad & Turismo a gradua, esaki ta un total di 60 graduado. Mariangelica Caceres Fernandez ta e miho graduado di Associate of Science Degree in Hospitality Management y Tarine Chantal Saladin ta e miho graduado di Associate of Applied Science Degree in Culinary Arts.
Un total di 54 porciento di studiantenan di Salubridad & Servicio a gradua, esaki ta un total di 68 graduado.
Jeremy Cen ta e miho graduado di unidad Salubridad & Servicio, sector Apotkersassistent, Treyci Gomez ta e miho graduado di Verpleegkunde, Nicole Anderson ta e miho graduado di
Verzorgende, Marlyne de Cuba ta e miho graduado di Welzijn niveau 3 y Guylaine van der Linde ta e miho graduado di Welzijn niveau 4.
Colegio EPI ta felecita tur graduado y ta desea nan un dushi vakantie y hopi exito pa futuro!