Recientemente Sra. Jesse Ras di SVT a duna un relato di e di 12 grupo di SVT cu a cuminsa cu 20 hoben y 14 di e 20 hobennan a persevera y a termina e prome 3 simannan di e programa militar di 4 luna.
Mayor y famianan por a bishita e hobennan unda a pasa un video hopi emocionante, cu palabranan di e hobennan di e prome grupo di Formacion social te cu e grupo nr.12 di awo, dificultadnan y con nan a encontra durante e programa di Formacion social y con nan a anda cu e dificultadnan aki. Tur comienso tin un final y nos ta spera tur cu a cuminsa cu e programa por termina e programa cu exito.
Tin hopi hoben cu a cuminsa e programa cu hopi dificultad pero e team ta para nan tras pa pusha y apoya nan.
Team di Formacion social t’ey pa yuda e hoben, pero ta hopi importante pa e hoben yuda su mes y cu mayornan tambe keda nan yiunan.
Plan pa e proximo grupo : tentativamente maart 2020, ora ta asina lew nos lo anuncia esaki riba Facebook y den corantnan. E hoben of e mayor cu tin interes por yama nos of manda un mensahe riba Facebook y nos lo skirbi nan informacion y nos lo tuma contacto cu nan.
Esaki ta conta tambe pa e hoben cu a yega di cay afo y e ta sinti cu awo si e ta cla pa cuminsa cu e programa, e por tuma contacto cu nos pa asina e purba di nobo.