Torneo Dia Nacional hubenil di bowling diabierna 17 di Maart
E federacion di bowling Arubano, ARBAS lo ta organisando diabierna 17 di maart un torneo en conexion cu e celebracion riba nos Dia Nacional Himno y Bandera. E torneo ta pa hobennan te cu 15 aña di edad cu ta interesa pa practica e deporte di bowling. Pues si abo ta sinti bo yama pa cuminsa un carera den e deporte aki presenta libremente e diabierna aki. Lo hunga den e categorianan di 6 – 8 aña, 9 – 11 aña y 12 – 15 aña. Lo saca e tres miho hungadonan den cada categoria esaki femenino y masculino. E luga mas cu claro ta Eagle Bowling Palace y lo cuminsa pa 5.30 di atardi. Por yama na 583 5038 of pasa na Eagle Bowling mes despues di 4or. Inscripcion lo ta 25,-.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e torneo di bowling cu lo celebra nos dia nacional Himno y Bandera
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.