Club di dam Arowak, ta organisa e weekend venidero (24 – 26 Mei), un torneo interinsular entre e paisnan Aruba, Korsou y Bonaire.
Tur anja, un otro país ta organisa e evenemento aki. E anja aki, a toca na Aruba atrobe pa organisa e torneo aki.
E formula di e torneo aki ta, cu cada país lo participa cu 2 team di 2 persona + un hungador hubenil bow di 18 anja.
E país organizador lo participa cu 2 hungador hubenil.
Pa Aruba lo participa den team-1, Mario Jansen y Annelaine Jacobs.
Pa team-2 di Aruba, lo participa cu Octavio Croes y Delbert Alexander.
E 2 hungadornan hubenil di Aruba ta Alan P Suarez y Angel R. Suarez.
E weganan lo wordo hunga riba Diabierne y Diasabra venidero den e Members Lounge di Playa Linda Beach Resort.
E promer rond lo start pa 10:00 di mainta.
Segundo rond pa 3:00 di atardi.
Tercer rond lo wordo hunga riba Diasabra 25 di Mei pa 10:00 di mainta y e ultimo rond (rond 4) pa 3:00 di atardi.
Entregamento di premio lo tuma lugar Diadomingo 26 di Mei pa 10:00 di mainta den e Members Lounge di Playa Linda Resort.
Nos kier a gradici Sport Subsidie Commisie y Lotto pa Deporte cu ta subsidia e evenemento aki y Playa Linda Resort cu ta ofrece camber pa e hungadornan di Korsou y Bonaire y e playing venue ( Members Lounge) under tur e weganan lo tuma lugar.