Club di Dam Arowak, ta organisa e fin di siman venidero (17 – 19 mei), un torneo interinsular entre e paisnan Aruba, Corsou y Boneiro.
Tur aña, un otro país ta organisa e evento aki. E aña aki, a toca na Aruba atrobe pa organisa e torneo aki.
E formula di e torneo aki ta, cu cada país lo participa cu 2 team di 2 persona + 2 hungado hubenil bou di 20 aña. E país organisado lo participa cu 4 hungador hubenil.
Pa Aruba lo participa den team-1, Henry Knepa y Ricky Nisbet.
Pa team-2 di Aruba, lo participa cu Octavio Croes y Hector Winterdal.
E 4 hungadonan hubenil di Aruba ta Jaylee Krozendijk, Xion Jacobs, Henry Lacle y Ariesa Kock..
E weganan lo wordo hunga riba diabierna y diasabra venidero den IBISA building na Oranjestad.
E prome rond lo start pa 9:00 di mainta. Segundo rond pa 3:00 di atardi. Tercer rond lo wordo hunga riba diasabra 18 di mei pa 9:00 di mainta y e ultimo rond (rond 4) pa 3:00 di atardi.
Entregamento di premio lo tuma luga diadomingo 26 di mei pa 11:00 di mainta den IBISA building den Frankrijkstraat 1, Oranjestad.
Nos kier a gradici Stichting Sportsubsidie Aruba y Lotto pa Deporte cu ta subsidia e evento aki y IBISA Oranjestad cu ta ofrece e playing venue unda tur e weganan lo tuma luga.
