Club di dam Arowak ta organiza diadomingo dia 5 di Mei un torneo di dam pa cualificación pa nos hobennan entre 10 y 19 aña. E hoben mester ta naci den 2005 of después.
E torneo ta wordo hunga den un solo grupo y lo start pa 2:00 di atardi y lo termina pa 6:00 di atardi.
Ganadornan di e torneo lo representa Aruba den un torneo ABC aki na Aruba den e weekend di 17-19 Mei venidero.
E torneo di cualificaion lo tuma lugar den nos propio clubhuis na Sun Plaza 401-L na Oranjestad. Esaki ta na e di 4 piso den e edificio di Sun Plaza. Ora sali for di lift, drenta den e porta na bo man robez. E ta e prome camber na bo man drechi. Nos ta start pa 2:00 di atardi y lo termina pa 6:00 di atardi.
Pa mas información, por tuma contacto telefónicamente cu e siguiente number di cel.
699-8245, 592-6391 of 594-5590
Ban prepara y competi pa mira ken ta bira e hobennan cu lo representa Aruba den e próximo torneo ABC aki na Aruba mes.