Club di dam Arowak, a organisa riba e diadomingonan dia 7 y 14 di April un torneo di cualificación di hubentud pa nos torneo ABC cu ta wordo organisa e anja aki na Aruba den e periode di 24 pa 26 di Mei venidero. Un total di 8 hoben a inscirbi pa e torneo aki. Na promer lugar tawata tin un empate entre Alan Suarez y su ruman Angel. Después di un wega extra, Alan a bira Campeon y Angel a keda na di 2 lugar. Na tercer lugar a termina Obi Tromp. Alan y Angel lo representa Aruba den e torneo ABC cu lo tuma lugar den e weekend di 24 – 26 Mei venidero aki na Aruba.