E dianan 29 y 30 di April, Aruba Volleyball Association, IBiSA y UA a organisa un torneo di beach volleyball pa scolnan secundario como tambe pa nan propio miembronan di A.V.A. Mester bisa cu e torneo sin duda tabata uno exitoso mirando e cantidad di participante cu a presenta na e dos dianan di e torneo. E ekiponan di scol a hunga cuater contra cuater mientras esnnan cu a competi bou di e capa di AVA a hunga 2 contra 2, esaki den e categorianan femenino y masculino. Pa loke ta e resultado final nos tin cu bisa cu den e division di cabayero, Elmerlindo Robles de Medina y Dwayne Angela a gana torneo di beach volleyball. Nan a enfrenta 5 diferente ekipo y a triunfa contra tur pa a lo largo bira e ganado maximo di e torneo di beach volleyball invicto. Den e parti femenino Kayla Arends y Shaira Mackay a bira campeon di torneo di beach volleyball di AVA. Mescos den e division di cabayero, Kayla y Shaira a bira campeon invicto, pues sin perde un wega. E resultado di e scolnan secundario participante ta como los siguiente. Den e division Femenino nos tin na prome lugar Filomena College 1 y na di dos luga Filomena College 2. Den e e division masculino nos tin na prome lugar St. Augustinus College y na di dos luga a termina Filomena College
Un danki sigur na Lotto, e Loteria di Aruba pa medio di Comision di Subsidio cu a yuda subsidia e torneo di beach volleyball di AVA
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.