Comision Organisador di Champ of the Champs 2017 ta den pleno preparacion pa organisa e di 11 Edicion di Champ of the Champs cual lo tuma luga desde dialuna 26 di Juni tur dia y lo termina Diadomingo 2 di Juli riba veld di Dragon Hitters. Paisnan manera Venezuela, Panama, Curacao y Republica Dominicana a confirma y a inscribi. Heineken lo ta e patronisado oficial un biaha mas esta pa di 11 aña consecutivo. Champ of the Champs ta un di e torneonan mas competitivo den región y a gatia despues cana y ta coriendo awo. Hopi ta paisnan cu ta buska oportunidad pa drenta e magno torneo aki. Champ of the Champs ta conoci pa ta un torneo hopi competitivo unda ta permiti pitchernan lansa modifica pero hopi mas habri percurando asina cu pitchernan por crea hopi velocidad y movemento di bala manera dropball y risingball. Esaki ta complementa e parti pa nos atletanan local por ricibi oportunidad pa mira lansamentonan di otro nivel y asina sigui desaroya. Champ of the Champs ta popular tambe pa e combinacion di competencia di alto nivel y ambiente musical. Tsunami lo ta e banda oficial cu lo ta cerando Champ of the Champs 2 di Juli 2017. Keda pendiente pa e line up completo. Aruba Softball Bond ta auspicia Champ of the Champs percurando pa tur cos cana di acuerdo cu reglamento di WBSC. Lo percura pa trese un instructor di Umpire di WBSC Aruba kende lo duna un clínica durante e torneo y alaves lo fungi como Hefe di Arbitro di e torneo. Ekiponan cu clasifica den e prome 4 ekiponan di ultimo campeonato semper lo tin e promer oportunidad pa participa sigui pa ekiponan miembro di ASB y alaves teamnan invita. Fanaticada di bon softball reserva e fechanan pa e grandioso torneo c uta na caminda. Deporte den desaroyo di alto nivel.