OKLAHOMA, Merca- Un tornado a causa devastacion den e ciudad di Oklahoma riba e anochi di diasabra 25 di mei. Te na e momentonan aki a raporta por lo menos 2 persona morto y 29 herida, algun di cual a keda den condicion critico.
E alcalde di El Reno, a raporta cu’n parke di casnan mobil a wordo “desastre” segun reportenan policial, polisnan tabata dunando asistencia di porta pa porta, pa logra haya posibel victima y evalua e daño. Un operacion di buskeda y e rescate ta sigui activo.
El Reno, un ciudad cu’n poblacon di rond di 19 mil, ta situa na mas o menos 29 miya (46.6 km) west di Ciudad di Oklahoma.
E desaster natural a bin mei mei di un mortal sistema di tormenta primaveral cu a afecta varios parti di Mid West di Merca. Esaki a resulta den mas di 170 tornado, ademas di bientonan fuerte y hagel.
Na Oklahoma, dos persona a muri den inundacionnan y tormenta, mientras cu 87 a resulta herida. Di otro banda, den e centro di Merca, 10 persona a perde nan bida y un mucha di 4 aña ta desapareci.