Awe mainta 8 or , e centro di tormenta tropical Kirk tabata situa na 12.0 grado noord, y na 53.5 grado west of 665 km oost di e isla di Barbados. Kirk tabata moviendo west cu 30 km/ora. Un movecion west pa west- noordwest ta wordo pronostica te diabierna anochi.
Ta anticipa cu Kirk lo aproxima Barbados y islanan ariba diahuebs atardi y drenta area di Caribe diabierna mainta. E bientonan di mas fuerte rond di e centro ta di 75 km/ora cu rafaganan mas halto.
Ta anticipa cu Kirk lo debilita ora e drenta lama Caribe den curso di diabierna.
Efectonan riba tempo local: te awor aki ningun.
Departamento Meteorologico di Aruba lo sigui e desaroyonan rond di Kirk cu hopi atencion.